ਨਕੋਦਰ: ਨਕੋਦਰ ਦੇ ਸਰਕਾਰੀ ਮਿਡਲ ਸਕੂਲ, ਆਲੋਵਾਲ ਦੀ ਲੜਕੀਆਂ ਦੀ ਕਬੱਡੀ (ਨੈਸ਼ਨਲ ਸਟਾਈਲ) ਟੀਮ ਨੇ ਸਾਲ 2025 ਦੀਆਂ ਜ਼ੋਨ-14, ਜ਼ਿਲ੍ਹਾ ਜਲੰਧਰ ਦੀਆਂ ਬਲਾਕ ਪੱਧਰੀ ਸਕੂਲੀ ਖੇਡ ਮੁਕਾਬਲਿਆਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਦੂਜਾ ਸਥਾਨ ਪ੍ਰਾਪਤ ਕੀਤਾ ਹੈ।
ਇਸ ਜੇਤੂ ਟੀਮ ਵਿੱਚ ਵਿਦਿਆਰਥਣਾਂ ਸਲੋਨੀ, ਮਾਇਆ ਗੌਤਮ, ਰਿਤੂ, ਹਰਮਨ, ਪਰਮਜੀਤ, ਇਸ਼ਰੂਤੀ, ਆਸ਼ੀਤਾ, ਅਨੁਸ਼ਕਾ, ਪ੍ਰੀਤ, ਅਸਤਰ, ਜੈਸਮੀਨ ਅਤੇ ਪੁਨੀਤ ਸ਼ਾਮਲ ਸਨ। ਸਕੂਲ ਦੀ ਡੀ.ਡੀ.ਓ. ਮੈਡਮ ਮਨਜੀਤ ਕੌਰ ਨੇ ਪੂਰੀ ਟੀਮ ਨੂੰ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ ਅਤੇ ਉਨ੍ਹਾਂ ਦੇ ਜਜ਼ਬੇ ਦੀ ਸ਼ਲਾਘਾ ਕੀਤੀ। ਟੀਮ ਦੀ ਇੰਚਾਰਜ ਅਧਿਆਪਕਾ ਸੁਰਿੰਦਰ ਕੌਰ ਨੇ ਵੀ ਵਿਦਿਆਰਥੀਆਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਲਈ ਉਨ੍ਹਾਂ ਦੀ ਤਾਰੀਫ਼ ਕੀਤੀ।ਇਸ ਮੌਕੇ ‘ਤੇ ਅਧਿਆਪਕ ਸਨੀ ਛਾਬੜਾ, ਗੌਰਵੀ ਅਤੇ ਗੀਤਾ ਰਾਣੀ ਵੀ ਮੌਜੂਦ ਸਨ, ਜਿਨ੍ਹਾਂ ਨੇ ਜੇਤੂ ਟੀਮ ਦੀ ਹੌਂਸਲਾ ਅਫ਼ਜ਼ਾਈ ਕੀਤੀ। ਇਹ ਪ੍ਰਾਪਤੀ ਨਾ ਸਿਰਫ ਵਿਦਿਆਰਥਣਾਂ ਦੀ ਮਿਹਨਤ ਦਾ ਨਤੀਜਾ ਹੈ, ਬਲਕਿ ਸਕੂਲ ਵਿੱਚ ਖੇਡਾਂ ਪ੍ਰਤੀ ਜਾਗਰੂਕਤਾ ਵਧਾਉਣ ਲਈ ਇੱਕ ਮਹੱਤਵਪੂਰਨ ਕਦਮ ਵੀ ਹੈ।