ਫਗਵਾੜਾ: ਸੰਗੀਤ ਪ੍ਰੇਮੀਆਂ ਲਈ ਖੁਸ਼ਖਬਰੀ ਹੈ! ਐੱਸ ਆਰ ਪ੍ਰੋਡਕਸ਼ਨ ਦੇ ਬੈਨਰ ਹੇਠ ਪ੍ਰੋਡਿਊਸਰ ਆਰ.ਡੀ. ਰਾਮਾ ਦੀ ਪੇਸ਼ਕਸ਼, ਪ੍ਰਸਿੱਧ ਗਾਇਕ ਜੈਲਾ ਸ਼ੇਖੂਪੁਰੀਆ ਦਾ ਸਿੰਗਲ ਟਰੈਕ “ਸਰਦਾਰੀ” ਵਿਸ਼ਵ ਪੱਧਰ ‘ਤੇ ਜਲਦ ਹੀ ਰਿਲੀਜ਼ ਕੀਤਾ ਜਾਵੇਗਾ। ਇਸ ਨਵੇਂ ਟਰੈਕ ਬਾਰੇ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਨਿਰਮਾਤਾ ਅਤੇ ਰਿਪੋਰਟਰ ਆਰ.ਡੀ. ਰਾਮਾ ਨੇ ਦੱਸਿਆ ਕਿ ਇਸ ਗੀਤ ਨੂੰ ਗਾਇਕ ਜੈਲਾ ਸ਼ੇਖੂਪੁਰੀਆ ਜੀ ਨੇ ਆਪਣੀ ਦਮਦਾਰ ਆਵਾਜ਼ ਦਿੱਤੀ ਹੈ। ਗੀਤ ਦੇ ਬੋਲ ਸੁੱਖਾ ਅਰੀਆਵਾਲ ਨੇ ਲਿਖੇ ਹਨ, ਜੋ ਕਿ ਸਰਦਾਰੀ ਦੇ ਵਿਸ਼ੇ ਨੂੰ ਖੂਬਸੂਰਤੀ ਨਾਲ ਬਿਆਨ ਕਰਦੇ ਹਨ। ਸੰਗੀਤ ਨਾਲ ਇਸ ਟਰੈਕ ਨੂੰ ਜੈਲਾ ਸ਼ੇਖੂਪੁਰੀਆ ਜੀ ਨੇ ਖੁਦ ਸ਼ਿੰਗਾਰਿਆ ਹੈ, ਜਿਸ ਤੋਂ ਉਨ੍ਹਾਂ ਦੀ ਸੰਗੀਤ ਪ੍ਰਤੀ ਡੂੰਘੀ ਸਮਝ ਝਲਕਦੀ ਹੈ।
ਵੀਡੀਓ ਡਾਇਰੈਕਟਰ ਸੋਨੂ ਮੱਟੂ ਜੀ ਨੇ ਇਸ ਟਰੈਕ ਨੂੰ ਦ੍ਰਿਸ਼ਟੀਗਤ ਰੂਪ ਦਿੱਤਾ ਹੈ, ਜਦੋਂ ਕਿ ਪੋਸਟਰ ਡਿਜ਼ਾਈਨ ਜੱਸੀ ਆਰਟ ਜਲੰਧਰ ਵੱਲੋਂ ਤਿਆਰ ਕੀਤਾ ਗਿਆ ਹੈ। ਇਸ ਪ੍ਰੋਜੈਕਟ ਨੂੰ ਤਿਆਰ ਕਰਨ ਵਿੱਚ ਕਈ ਪ੍ਰਮੁੱਖ ਸ਼ਖ਼ਸੀਅਤਾਂ ਨੇ ਸਹਿਯੋਗ ਦਿੱਤਾ ਹੈ, ਜਿਨ੍ਹਾਂ ਵਿੱਚ ਸ਼ਾਮਲ ਹਨ: ਸਾਹਿਲ ਦਾਦਰਾ, ਅਮਰੀਕ ਸੌਫੀ ਯੂ.ਕੇ., ਗੁਰਦੀਪ ਸਿੰਘ ਤੱਗੜ, ਕਮੇਡੀ ਕਿੰਗ ਭੋਟੂ ਸ਼ਾਹ ਜੀ, ਰਾਜ ਕੁਮਾਰ ਅਰੋੜਾ ਜੀ, ਮਲਕੀਤ ਧੀਰਪੁਰੀ, ਗਾਇਕ ਮਨਮੀਤ ਮੇਵੀ ਜੀ, ਅਸ਼ੋਕ ਲਾਲ, ਅਮਨਦੀਪ ਸਿੱਧੂ, ਸੁਖਵਿੰਦਰ ਪ੍ਰਦੇਸੀ, ਕਾਲਾ ਕਟਾਰੀਆ, ਅਵਤਾਰ ਚੰਦ, ਮਲਕੀਤ ਮੰਢਾਲੀ ਅਤੇ ਰੋਹਿਤ ਦਾਦਰਾ।
ਇਸ ਤੋਂ ਇਲਾਵਾ, ਅਦਾਕਾਰ ਅਜਮੇਰ ਜੌਹਲ, ਅਦਾਕਾਰਾ ਮੈਡਮ ਰਣਜੀਤ ਕੌਰ, ਅਦਾਕਾਰਾ ਯੂਨੀਕ ਮੁਸਕਾਨ ਅਤੇ ਅਦਾਕਾਰਾ ਜਸਲੀਨ ਕੌਰ ਜੀ ਨੇ ਵੀ ਇਸ ਟਰੈਕ ਨੂੰ ਹੋਰ ਖੂਬਸੂਰਤ ਬਣਾਉਣ ਵਿੱਚ ਆਪਣਾ ਯੋਗਦਾਨ ਪਾਇਆ ਹੈ। ਆਰ.ਡੀ. ਰਾਮਾ ਨੇ ਦੱਸਿਆ ਕਿ ਇਹ ਨਵਾਂ ਸਿੰਗਲ ਟਰੈਕ ਉਨ੍ਹਾਂ ਦੇ ਅਧਿਕਾਰਤ ਯੂਟਿਊਬ ਚੈਨਲ ਐੱਸ ਆਰ ਪ੍ਰੋਡਕਸ਼ਨ 786 (SR Production 786) ‘ਤੇ ਜਲਦ ਹੀ ਦਰਸ਼ਕਾਂ ਦੇ ਰੂਬਰੂ ਹੋਵੇਗਾ। ਸੰਗੀਤ ਪ੍ਰੇਮੀ ਇਸ ਦਮਦਾਰ ਗੀਤ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
